Ճապոնական «Ֆուջիստու» ընկերության մասնագետները ստեղծել են աշխարհի ամենարագ համակարգիչը: «Վենուս» ծածկագրային անվանումով այս նոր միկրոսխեման ընդունակ է մեկ վարկյանում կատարել 128 մլրդ գործողություն: Սա, ի դեպ, իր արագությամբ երկուսուկես անգամ գերազանցում է մինչև այդ ամենարագը համարվող ամերիկյան «Ինթել» կորպորացիայի ստեղծած համակարգչին:
Փորձագետների գնահատմամբ` ճապոնական հանճարի այդ նոր պտուղը` գերարագ աշխատող միկրոսխեման, կարելի է կիրառել ինչպես տնային համակարգիչների, այնպես էլ` կենցաղային էլեկտրոնային սարքավորումների արտադրությունում: